01. 臨暗(客語)
臨暗,收工 一個人行,佇都市
捱目珠吊吊頭臚冇冇
蓋像自家已經 灰飛腦散
三不時捱失神走誌 浪浪蕩蕩穿弄過巷
盡想聽一聲 阿姆籲細人仔洗身
盡想鼻一下 竈下裏煎魚炒菜介味氣
臨暗,愐起 阿公講介家族史
捱等這房歷代犁耙碌碡(註)
今捱都市打拚 愛學開基祖
暮麻,一個人 行中山路 輐中正路
論萬盞火照毋光 腳下介路
人來人去算毋利 冇人好問 食飽餵冇
註:「犁」、「耙」、「碌」、「碡」皆為傳統農具;
「歷代犁耙碌碡」意謂歷代皆務農。
______________________________________
01. 臨暗(國語)
傍晚,收工 一個人走,在都市
我眼珠吊垂頭顱虛脹
好像自已已經 魂飛魄散
三不時我失神走誌 浪浪蕩蕩穿弄過巷
直想聽一聲 母親喚孩子洗澡
直想聞一下 廚房裏煎魚炒菜的味道
傍晚,想起 阿公講的家族史
我們這房歷代犁耙碌碡
今我都市打拚 要學開基祖
夜暗,一個人 行中山路 轉中正路
上萬盞燈照不亮 腳下的路
人來人去算不盡 無人可問 吃飽了沒
《臨暗》全碟歌詞 (客國語對照)
|
最赞回应
12. 細妹,汝看(客語)
細妹,汝看 適置中腰介大山
攪著白雲緊扁緊轉
細妹,汝看哪 適轉彎介河灞
趜著大水緊流緊灩 像汝按靚
細妹,汝看 適掛雲介大山
傾身渡著山下介石崗田
細妹,汝看 適唱歌介河灞
彎腰攬著唇邊介沙埔地 像汝惜捱
___________________________
12. 女孩,妳看(國語)
女孩,妳看 那中央的大山
攪著白雲翻來又轉
女孩,妳看哪 那轉彎的河流
趨趕大水波光瀲灩 像妳真美
女孩,妳看 那掛雲的大山
傾身顧著山下的石崗田
女孩,妳看哪 那唱歌的河流
彎腰抱著水邊的沙埔地 像妳疼我
02. 都市開基祖(客語)
阿公介當晝頭 佢最好細姑丈轉妹家
聽佢講一段開基史 哀哉,傍一塊三層靚
上聯是祖上本冇地 做長工墣旱田開石崗
穀租六成 到尾還欠頭家帳
下聯是打幫三七五 討薪臼拆舊債牽牛牯
禾菸豆芋 屋起堂開振鴻圖
阿爸介暗晡頭 佢不時一食飽就揮蓆
毋係尋陣黨怨政治 就係騎引擎邏心事
後生時阿爸願出莊 駛送車做學徒佢全想過
奈何長子 老弟老妹還稚稚
十五六盲轉大人身 臂穀包使牛犁冒硬事
一分泥搵到 佢講是嗷正吶 洗有洗毋落
阿公佢是硬頸介國民黨 阿爸偏偏係死忠介民進黨
一句起二句止三句齧牙省齒 兩子爺佢等兩畬冇緣三句多
都市介臨暗頭 捱登常左泡麵右罐頭
叩首再叩首三叩首 敬阿公講介 開基祖
都市開基祖 稅屋是鳥籠仔大細
月給薄薄仔兩尖 所費是項項會齧人
都市開基祖 省省廞廞存冇三七五
左泡麵右罐頭 叩首再叩首三叩首
_______________________________________
02. 都市開基祖(國語)
阿公的正午時 他最愛小姑丈回娘家
聽他講一段開基史 哎喲,配一塊三層肉
上聯是祖上本無地 做長工租旱田開石崗
穀租六成 到頭還欠頭家帳
下聯是好在三七五(減租) 討老婆償舊債買公牛
禾菸豆芋 屋起堂開振鴻圖
阿爸的夜晚 他不時一吃飽就離家
不是找同黨怨政治 就是騎機車散心
年輕時阿爸渴望出莊 開卡車當學徒他全想過
奈何長子 老弟老妹還年幼
十五六未轉大人身 扛穀包駛牛犁攬重活
一給土沾到 他講是哎呦餵 洗都洗不掉
阿公他是硬頸的國民黨 阿爸偏偏是死忠的民進黨
一句起二句止三句咬牙切齒 父子倆他們話不投機三句多
都市的傍晚 我經常左泡麵右罐頭
叩首再叩首三叩首 敬阿公講的 開基祖
都市開基祖 稅屋是鳥籠般大小
薪水薄薄的幾張 開銷是樣樣會咬人
都市開基祖 省省儉儉存不夠三七五
左泡麵右罐頭 叩首再叩首三叩首
03. 頭路(客語)
作業送貨換到營業員 換去換轉像粒人肉圓
真裝上夜想到千條路 天光吭床本本磨豆腐
頭路頭路(重複)
初先浪想人生像回事 就算做工麻愛有樣勢
盲知硬分頭路趜到狂 跍歇工廠又來掌賣場
頭路頭路 上夜千條路
頭路頭路 天光本本磨豆腐
作業送貨換到營業員 換去換轉像粒人肉圓
浪過做過頭路論半打 亦賴頭家面勢有恁差
頭路頭路(重複)
加薪就罵業績毋多罅 公司毋係行善來渡化
加班就講景氣一等差 冇就關廠大家試看嘛
頭路頭路 景氣一等差
頭路頭路 冇就關廠試看嘛
__________________________________
03. 頭路(國語)
作業送貨換到營業員 換去換回像顆人肉圓
真是上夜想到千條路 天亮起床同樣磨豆腐
頭路頭路(重複)
起先逍想人生像回事 就算做工也要有樣子
誰知硬給頭路逼到狂 蹲完工廠又來顧賣場
頭路頭路 上夜千條路
頭路頭路 天亮同樣磨豆腐
作業送貨換到營業員 換去換回像顆人肉圓
混過做過頭路半打計 到處頭家臉色都很差
頭路頭路(重複)
加薪就罵業績不太夠 公司不是行善來渡化
加班就講景氣非常差 不然關廠大家試看看
頭路頭路 景氣非常差
頭路頭路 不然關廠試看看
04. 三班制(客語)
連排連槓介燈管 封啊塞塞介場所
掌人趜人介時鐘 長年不變介色唇
自家介影看毋到 風起雨落鼻毋到
天時地節毋知得 大膣麻聲講毋得
臨去臨轉 臨去臨轉
臨去臨轉冇定班 日班夜班大夜班
冇影冇跡介人生 冇日冇夜介底層
冇風冇雨介工時 冇話冇絮介同事
茫茫渺渺這世界 淨汝出現捱眼界
汝笑汝譴汝呆呆 捱笑捱譴捱呆呆
看去看轉 看去看轉
看去看轉毋得閒 日班夜班大夜班
_______________________________
04. 三班制(國語)
連排連槓的燈管 密不透風的場所
管人趕人的時鐘 長年不變的顏色
自己的影看不到 風起雨落聞不到
天時地節無從知 嚷嚷大聲講不得
輪去輪回 輪去輪回
輪去輪回不固定 日班夜班大夜班
無影無跡的人生 無日無夜的底層
無風無雨的工時 無話無絮的同事
茫茫渺渺這世界 就妳出現我眼界
妳笑妳氣妳呆呆 我笑我氣我呆呆
看去看回 看去看回
看去看回不得閒 日班夜班大夜班
05. 輾來輾去(客語)
連操之操 捱像一臺機器
烏油消磨亟淨 消磨亟淨
奈何轉點 眠床偏偏生僰
捱是夾著被骨 輾來輾去
細妹捱像河 想愛下流
細妹捱像雲 想愛風來吹
細妹捱像雷 想愛插落地
_______________________
05. 翻來覆去(國語)
連操再操 我像一臺機器
機油消磨殆盡 消磨殆盡
奈何午夜 床上偏偏長剌
我夾著棉被 翻來覆去
女孩我像河 想要下流
女孩我像雲 想要風來吹
女孩我像雷 想要插落地
06. 緊來緊賤(客語)
想抄細妹仔 但係憑麼該
冇屋又冇車 頭路冇定著
捱恨廣告 捱畏情歌
畬畬恁靚 畬畬恁靚
所銷所賣 毋得葛煞
想抄細妹仔 但係憑麼該
毋當店項稅片 俗俗又便便
三更半夜 日本美國
怎會恁靚 怎會恁靚
所想所願 緊來緊賤
________________________
06. 愈來愈賤(國語)
想追個小妞 但是憑什麼
沒房又沒車 工作不穩定
我恨廣告 我厭情歌
個個如此漂亮 個個如此漂亮
所銷所賣 消受不起
想追個小妞 但是憑什麼
不如店裡租片 便宜又方便
三更半夜 日本美國
怎會如此漂亮 怎會如此漂亮
所想所願 愈來愈賤
07. 古錐仔(客語)
今夜又是風雨微微異鄉ㄟ都市
路燈青青照著水滴引阮ㄟ悲意
青春男兒不知自己欲行叨位去
啊 茫茫前程 港都夜雨落襪停
(詞/呂傳梓 曲/楊三郎)
只要暗晡起風 風帶出雨,落寞
捱就會愐起適暗晡 古錐仔汝唱這條歌
汝就半癲半醉 反出氣魄悲哀
古錐仔亦下風夾雨 汝算吶佇佗位漂泊
古錐仔,汝算吶佇佗位漂泊(重複)
適彼暗晡下班 騎著五十引擎
汝載捱籲過適繁華路 古錐仔捱記得汝講
暗時若冇起痚 日時是會掠狂
捱感覺捱兩畬像癲牛 日時頭認做夜起狂
古錐仔,汝算吶佇佗位漂泊(重複)
適彼暗晡落雨 雨潑著面解酒
催汝唱港都夜雨 古錐仔捱記得汝講
兄弟今夜咱是 咱是社會問題
若是逼啦走闖無門 冇定會創一條頭條新聞
古錐仔,汝算吶佇佗位漂泊(重複)
今夜又是風雨微微異鄉ㄟ都市(重複)
______________________________________
07. 古錐仔(國語)
今夜又是風雨微微異鄉的都市
路燈青青照著水滴引我的悲意
青春男兒不知自己要往哪裡去
啊 茫茫前程 港都夜雨下不停
(詞/呂傳梓 曲/楊三郎)
只要夜裡起風 風帶出雨,落寞
我就會想起那夜 古錐仔你唱這首歌
你就半癲半醉 吐出氣魄悲哀
古錐仔現在下風夾雨 你到底在哪裡漂泊
古錐仔,你到底在哪裡漂泊(重複)
那天晚上下班 騎著五十機車
你載我嘯過繁華路 古錐仔我記得你說
晚上若不瘋狂 白天真會抓狂
我感覺我倆像癲牛 日裡認做夜起狂
古錐仔,你到底在哪裡漂泊(重複)
那天晚上下雨 雨打在臉上解酒
催你唱港都夜雨 古錐仔我記得你說
兄弟今夜我們是 我們是社會問題
若是逼到走頭無路 說不定會搞一條頭條新聞
古錐仔,你到底在哪裡漂泊(重複)
今夜又是風雨微微異鄉的都市(重複)
08. 冇頭冇路(客語)
世界打發朝晨頭 暈頭暈腦捱緊飄
都市動身像車班 車班緊發捱冇票
世界換索臨暗頭 有眼冇神捱緊飄
都市照轉像車班 人客下車捱冇票
捱像零件,托存介
所有故事,多餘介
人世同捱,冇關係
捱驚睹到,相識介
有魂冇主捱緊飄 命運邊唇捱緊飄
邊唇插滿選舉旗 頭前冇路捱緊飄
____________________________
08. 沒頭沒路(國語)
世界發動在清晨 暈頭暈腦飄啊飄
都市動身像車班 車班發行我沒票
世界換擋在傍晚 有眼無神飄啊飄
都市照轉像車班 乘客下車我沒票
我像零件,撿剩的
所有故事,多餘的
世界與我,沒關係
我怕遇到,相識的
有魂無主飄啊飄 世界邊緣飄啊飄
邊緣插滿選舉旗 前方無路飄啊飄
09. 大水樵(客語)
妹,汝攬捱攬啊恁緊 汝攬捱攬啊恁緊
捱喜歡捱介手捱介嘴 佢等握汝斟汝撖操愁斷根
汝搭著捱介身捱介心 捱等湊做一個著急介圓
妹,汝攬捱攬啊恁緊 汝攬捱攬啊恁緊
捱知汝想穩定想固定 望捱係汝做得蹋船介墩
但係捱呀是就像大水樵 根土分離水帶水漂
冇底介愛情 就像大水樵
拈得上岸 難得生根
妹,汝攬捱攬啊恁緊 汝攬捱攬啊恁緊
捱等合做一圈密密介圓 世界拜託恬下來恬下來
捱等滾做一團滿滿介圓 時間拜託恬下來恬下來
冇底介愛情 恬恬攬著汝
永永遠遠 毋冇天光
______________________________________
09. 大水柴(國語)
妹,妳抱我抱得這麼緊 妳抱我抱得這麼緊
我喜歡我的手我的嘴 它們握妳吻把煩憂斷根
妳貼緊我的身我的心 我們湊成一個著急的圓
妹,妳抱我抱得這麼緊 妳抱我抱得這麼緊
我知道妳想穩定想固定 想我是妳可以繫船的樁
但是我呀就像大水柴 根土分離水帶水漂
沒底的愛情 就像大水柴
撿得上岸 難得生根
妹,妳抱我抱得這麼緊 妳抱我抱得這麼緊
我們合成一圈密密的圓 世界拜託停下來停下來
我們滾成一團滿滿的圓 時間拜託停下來停下來
沒底的愛情 靜靜抱著妳
永永遠遠 不要天亮
10. 痛苦像井(客語)
痛苦像井 痛苦像井
越苦介痛 越深介井
痛苦像井 適井越深
光線越少 世界越細
捱想捱等各自介井忒深 忒深忒深
哲毋到對方介痛 緊行緊遠
捱想捱等各自介井忒深 忒深忒深
淨要求對方委曲 緊行緊硬
___________________________
10. 痛苦像井(國語)
痛苦像井 痛苦像井
越苦的痛 越深的井
痛苦像井 那井越深
光線越少 世界越小
我想我們各自的井太深 太深太深
測不到對方的痛 漸行漸遠
我想我們各自的井太深 太深太深
只要求對方委曲 愈走愈硬
11. 路還愛行(客語)
路還愛行 路還愛行 人愛打落 火愛點著
路還愛行
捱盲發癲 捱冇搶錢 捱還看到 日出日落
路還愛行
細妹保重 望風惜汝 兄弟保重 望雨惜汝
路還愛行
風吹四方 雨落四方 人愛靈動 火愛窿空
路還愛行
捱盲認命 捱冇著驚 擔頭過火 橫打直過
路還愛行
細妹保重 望風惜汝 兄弟保重 望雨惜汝
__________________________________
11. 路還要走(國語)
路還要走 路還要走 人要打落 火要點著
路還要走
我未發瘋 我沒搶錢 我還看到 日出日落
路還要走
女孩保重 望風疼妳 兄弟保重 望雨疼你
路還要走
風吹四方 雨落四方 人要靈通 火要窿空
路還要走
我未認命 我沒著驚 抬頭過火 橫打直過
路還要走
女孩保重 望風疼妳 兄弟保重 望雨疼你
12. 細妹,汝看(客語)
細妹,汝看 適置中腰介大山
攪著白雲緊扁緊轉
細妹,汝看哪 適轉彎介河灞
趜著大水緊流緊灩 像汝按靚
細妹,汝看 適掛雲介大山
傾身渡著山下介石崗田
細妹,汝看 適唱歌介河灞
彎腰攬著唇邊介沙埔地 像汝惜捱
___________________________
12. 女孩,妳看(國語)
女孩,妳看 那中央的大山
攪著白雲翻來又轉
女孩,妳看哪 那轉彎的河流
趨趕大水波光瀲灩 像妳真美
女孩,妳看 那掛雲的大山
傾身顧著山下的石崗田
女孩,妳看哪 那唱歌的河流
彎腰抱著水邊的沙埔地 像妳疼我
谢谢。
谢谢~
大赞
顶
谢谢
顶
感谢🙏
感谢
> 我来回应