བོད་ཀྱི་ནད་...

གངས་རླུང་རྩུབ་མོ་རྒྱ་སྟག་བཞིན་དུ་མཆོང་ཡོང

མདའ་མདུང་རྩེ་མོ་རྦབ་ལྕེ་བཞིན་དུ་འཕྱུར་ཡོང

དགྲ་དམག་བུ་རྟ་མཁར་སྒོར་མེ་སྟག་ཡར་ཡར

རྒྱལ་བུ་མ་འདུག་མྱུར་དུ་ཁྲི་ལས་བཞེངས་རོགས

ལྕགས་ཀྱི་མཁར་ནི་ཁུར་བོ་རྒྱན་ཆ་ཁུར་བོ

ལུས་སེམས་གཉིས་ཀྱང་ཕན་ཚུན་ཟུང་གི་ཁུར་བོ

རྒྱོགས་རྡོ་ངར་མས་ཕོ་བྲང་གསེར་ཏོག་བཀོག་སོང

རྐང་འོག་ས་གཞི་ཁྲག་དང་ངུད་མོས་ཁྱབ་སོང

རྨོག་དཀར་གཞུ་མཆོག་གོ་མཚོན་གཟི་འོད་ལམ་ལམ

རྒྱལ་བུ་མ་སྐྲག་དམག་གི་དཔུང་སྣ་ལེན་རོགས

བརྗིད་པའི་ཕོ་བྲང་གཡར་མ་ལུས་པོའང་གཡར་མ

ལུས་སེམས་གཉིས་ཀྱང་ཕན་ཚུན་ཟུང་གི་གཡར་མ

གངས་རི་འགུལ་ཞིང་གནམ་ས་འདར་ཡོམ་བྱས་སོང

ཆར་རླུང་དྲ་བས་འཇིག་རྟེན་བཞིན་མདངས་གཙབས་སོང

དམྱལ་བའི་ངུ་འབོད་འཇིགས་པའི་འོ་དོད་ལམ་ལམ

རྒྱལ་བུ་མ་འབྲོ་འཆི་བདག་ཞགས་པ་ཐེབས་སོང

—— པད་མ་ཚེ་བརྟན་གྱི་གློག་བརྙན<གསའ>ལ་བླངས་པ།