92-93年，鄺美雲後期轉折點

愛讓每個人都心碎，的確，我對於鄺美雲嘅喜愛，對佢離開樂壇走去從商，我的確比較心灰。因為香港就此流失一個美貌與智慧嘅歌手。

但試想一下，90年代開始，香港樂壇的確有D亂啦！四大天王，乜乜天後，92-93呢個時期，處於中低微期，當年呢張專輯銷量麻麻，真系麻麻，但質量實在好到離譜！！十首歌作為主打一D都唔過份。

（原來是愛）、（要更多愛情）、（下次一起吧）系專輯中我最愛嘅三首歌，美人唱（下次一起吧）嘅口水聲更是一流！我更想講，專輯首首歌都系一流！

話呢張碟，其實都好特别，完全就系鄺美雲喺樂壇愛情以及人生勵程寫照。我個人認為，呢張專輯已經為鄺美人寫下一個完美句點啦！到下一張嘅（一生只願愛一次）已經系徹底結束。

從（黄昏雨）到翻唱阿SAM（共你常為伴）已經好明顯啦！附加最後一首變奏版。由頭到尾聽完專輯好。聽到（别遺憾）已經有答案啦！
人生雖然選擇錯，往往好多個機會或偶然，都由錯誤中吸取，可能，呢個念頭就系引致美人走向從商之路吧？就如（别遺憾）最後一句歌詞：承受一生的起跌，還是要靠自己一個。。。

如果仔細品嘗鄺美雲嘅歌，你會發覺，音樂旋律可能麻麻，但佢唱出嚟嘅感覺，往往系好多女歌手冇嘅，甚至連林憶連葉倩文都唱唔出鄺美雲独特嘅感覺

夜深，當四周已靜下，放呢張唱片，如同細水長流，暫時間與世隔絕。。。傾聽佢嘅歌，傾聽佢嘅故事。。。