《新預言書》對C Allstar的預言
我對C Allstar《新預言書》的第一個印象就係，呢張碟比以前做得更大方更精緻了。佢嘅設計、包裝好似冇再咁簡約、粗糙，由大碟嘅規格，故事嘅完整性，致使裡面裝嘅嘢多咗重咗，本書厚咗，連啲編曲都感覺更扎實更飽滿，上昇咗一個檔次，總言之，《Make it Happen》同《我們的胡士托》係軟皮版簡裝書嘅話，咁《新預言書》就係硬皮面大度16開的精裝版。
C Allstar嘅音樂之所以受到年輕人的歡迎，全因能深入社群，有親民嘅特質，講起來《Make it Happen》同《我們的胡士托》就像大排檔、茶餐廳出品，食嘅唔係地氈環境，唔係山珍海味，而係用心落去烹調的街坊小食，可以令人忽略碟面擺放唔靚嘅菜色，或是帶有崩口缺角嘅餐具，好吃就得了。到《新預言書》將食肆擴大裝修一番之後，原來仲係行緊大眾化路線，煲湯冇話要為趕時間而搞到水溝尿的稀寡，只飲出嗰味精來，感情嘅放落同優質食材配搭原來一樣重要，難得係C Allstar肯把呢份不虛高不浮夸的實在保持到依家。
《新預言書》談到了世界末日、樂天幸福，佢嘅故事真係有啲似謝安琪新碟的姊弟篇，雞鵝鴨魚照樣果幾味餸，好在詞作不差不壞，煮法有時又能搞搞新意思，精靈一點可揀五官感覺撈亂的《小確幸》，警世一點又可揀避開說教味的《馬爾代夫 (OCTV 海洋特別新聞報導)》，周耀輝寫出了《今天只做一件事》，小廣也有他領悟出的《放下》，不一定老師傅先炒到一碟好餸，年輕一輩都可以在仿效學習中，填出屬於自己世代的共同語言。
《新預言書》嘅音樂要話做得相當出色，又唔係，但有種叫情懷嘅嘢成為佢主要價值的體現，這是C Allstar一路以來最清晰的定位，離開了情懷，C Allstar就唔會叫C Allstar了。佢哋同自己年齡相仿的80後幕後主力約埋，鍾意去老街舊屋影相多於到潮流天地流連，從歲月提取色彩，《樂天女孩》可以令人一下子穿梭到張學友的《有個人》年代，《雨天沒有你》又似係把思念帶到更遠的粵語流行黃金時期，在傳承中發展，《馬爾代夫 (OCTV 海洋特別新聞報導)》做出與Bossa Nova結合的良好示範，Cousin Fung亦把像James Blunt舊派、英式的傷感移到了《新預言書》入面，飲水要思源，喝著粵語歌奶汁大嘅一群，係時候去為沒落的樂壇作出回饋，每次播C Allstar嘅某啲歌，都會有種進行尋根之旅的感覺，尋嘅係沒被腐化的粵語殘音，仿佛讓人搵到昨日Canton-Pop的魅力。
C Allstar係一個很了解自己的組合，佢哋唔賣樣，賣歌聲，用真材實料的Vocals顯示出年輕團體應該有嘅風采，即使係唱著Acappella，佢哋也沒有把一種技能弄成一場炫耀的表演，以更有默契嘅配合摸清各自的位置。或許《新預言書》對末日的預言全不準確，但有可能成為C Allstar真正爬上摘星天梯的啟示，在瀕臨末日的樂壇裡，靠實力說話而又會應變迎合的適者，才可得到最後嘅生還機會。
首選：樂天女孩
C Allstar嘅音樂之所以受到年輕人的歡迎，全因能深入社群，有親民嘅特質，講起來《Make it Happen》同《我們的胡士托》就像大排檔、茶餐廳出品，食嘅唔係地氈環境，唔係山珍海味，而係用心落去烹調的街坊小食，可以令人忽略碟面擺放唔靚嘅菜色，或是帶有崩口缺角嘅餐具，好吃就得了。到《新預言書》將食肆擴大裝修一番之後，原來仲係行緊大眾化路線，煲湯冇話要為趕時間而搞到水溝尿的稀寡，只飲出嗰味精來，感情嘅放落同優質食材配搭原來一樣重要，難得係C Allstar肯把呢份不虛高不浮夸的實在保持到依家。
《新預言書》談到了世界末日、樂天幸福，佢嘅故事真係有啲似謝安琪新碟的姊弟篇，雞鵝鴨魚照樣果幾味餸，好在詞作不差不壞，煮法有時又能搞搞新意思，精靈一點可揀五官感覺撈亂的《小確幸》，警世一點又可揀避開說教味的《馬爾代夫 (OCTV 海洋特別新聞報導)》，周耀輝寫出了《今天只做一件事》，小廣也有他領悟出的《放下》，不一定老師傅先炒到一碟好餸，年輕一輩都可以在仿效學習中，填出屬於自己世代的共同語言。
《新預言書》嘅音樂要話做得相當出色，又唔係，但有種叫情懷嘅嘢成為佢主要價值的體現，這是C Allstar一路以來最清晰的定位，離開了情懷，C Allstar就唔會叫C Allstar了。佢哋同自己年齡相仿的80後幕後主力約埋，鍾意去老街舊屋影相多於到潮流天地流連，從歲月提取色彩，《樂天女孩》可以令人一下子穿梭到張學友的《有個人》年代，《雨天沒有你》又似係把思念帶到更遠的粵語流行黃金時期，在傳承中發展，《馬爾代夫 (OCTV 海洋特別新聞報導)》做出與Bossa Nova結合的良好示範，Cousin Fung亦把像James Blunt舊派、英式的傷感移到了《新預言書》入面，飲水要思源，喝著粵語歌奶汁大嘅一群，係時候去為沒落的樂壇作出回饋，每次播C Allstar嘅某啲歌，都會有種進行尋根之旅的感覺，尋嘅係沒被腐化的粵語殘音，仿佛讓人搵到昨日Canton-Pop的魅力。
C Allstar係一個很了解自己的組合，佢哋唔賣樣，賣歌聲，用真材實料的Vocals顯示出年輕團體應該有嘅風采，即使係唱著Acappella，佢哋也沒有把一種技能弄成一場炫耀的表演，以更有默契嘅配合摸清各自的位置。或許《新預言書》對末日的預言全不準確，但有可能成為C Allstar真正爬上摘星天梯的啟示，在瀕臨末日的樂壇裡，靠實力說話而又會應變迎合的適者，才可得到最後嘅生還機會。
首選：樂天女孩
