體
一九九六，歲次丙子，鼠年
送走了閏八月，船，就要開了......
這是個無閒的時代。
不論你是誰，活在哪裡，吃什麼頭路。
這也是個很過癮的地方。
我們親眼目睹一場場歷史活生生的在周遭上演，各路英雄隨片登台。
啊〜美麗的寶島，人間的天堂。
鹹鹹的熱血，酸酸的愛情，甜甜的期待。
猶原在你我的歌聲中進行著，而抬頭，抬頭總有藍藍的天。
1.台灣進行曲
2.大家無輸贏
3.閏月閏愛情
4.風透的日子
5.相鼠
6.告別
7.寶島鹹酸甜
8.風吹風吹
9.風神的歌詩
10.搧東風
11.台灣進行曲(卡拉版)
12.閏月閏愛情(卡拉版)
1.台灣進行曲 作詞：王武雄 作曲：羅大佑 編曲：蕭東山／花比傲／羅大佑 陣陣的號聲響亮 自墾丁一直到基隆 踏著先人的血汗 破浪乘風欲開航 喲伊喲伊出征東西南北 敢死無退不投降 咱是英勇的好漢 創造出時代的希望 靜靜的台灣海峽 一望無際的風險 護著時代的聖戰 和平的槍正義的劍 衝衝革命當作事業 不驚任何的威脅 創造威風的台灣 創造出時代的尊嚴 無限的乾坤宇宙 戰歌響遍太平洋 為著人類的自由 神明天公會保佑 隆隆砲聲祝阮成功 盡忠報國為千秋 領導全新的潮流 創造出時代的模樣 陣陣的號聲響起 男兒立志驚什麼 穿著漂泊的制服 破浪乘風欲來去 喲伊喲伊不驚出生入死 唱出勝利的光輝 咱是英勇的男兒 創造出時代的名字 咱是威風的男兒 咱就是時代的名字
2.大家無輸贏 作詞：王武雄 作曲：羅大佑 編曲：花比傲 天光的時陣 情愛的路途 走無三五伐 塞車的黃昏 又擱牽掛 牽掛已經晏 繁華的所在 花花世界 靠啊靠無岸 青春等到 三更半暝半 冷清的峘搭 踏過空虛 冷雨太濫爛 好夢一攤 緣份一半 一半起變化 有人等待 無人按捺 最啊最孤單 鹹酸苦味 一杯斟乎乾 青春等過 癡情無時行 笑虧的人生 沿路陷眠 哪通惜命命 軟軟的情歌 聽到足心痛 心痛卡快活 無聊的咒詛 聽人咧臭彈 情戲在人搬 青春等到 何時會得人疼 免彼呢下路 今後的路途 感情阮不搏 往事一攤 何必相瞞 看嘛看乎破 無緣的結局 若欲裁判 免啊免拖沙 一聲再會 緣份不通賒 青春等過 大家無輸贏 切切咧一段 攏無牽掛 堅定的心肝 三十六刀 七十二截 殘殘卡快活 鹹酸苦味 一杯斟乎乾 青春等過 癡情無時行 一聲再會 緣份不通賒 青春等過 大家無輸贏
3.閏月閏愛情 作詞：王武雄 作曲：羅大佑 編曲：花比傲／羅大佑 ＊入圍第８屆流行音樂金曲獎最佳作詞人獎 想到彼句話 連夢攏怨嗟 寂寞深更 暗淡胭脂 一暝怨天白 一暝怨天白 緣盡天借過 冷暖悲歡 轉眼之間 紅顏滿四界 為著欲見面 日夜趕失眠 褪盡繁花 改換新衫 夜夜塊試穿 夜夜塊試穿 綠葉出紅塵 暖暖春風 閃閃金光 連夢攏透明 輪迴講報應 等無天清 看無戶碇 情份不敢寵 為何心肝冷 不管蒼天 只有閏月 咱來閏愛情 但願天作證 咱的真心 免人論定 互相愛信任 月娘笑阮憨 停雨展氣象 燦爛春天 花紅葉青 不通擱失望 不通擱失望 期待再相逢 你的青春 我的青春 日出見彩虹 有緣擱作陣 情話攏精神 春回乾坤 五彩繽紛 夢也最接近 緣份愛肯定 情話緊答應 你的青春 我的青春 有夢塊致蔭 你的人生 我的人生 有夢塊致蔭 你的人生 我的人生 互相愛致蔭
4.風透的日子 作詞：王武雄 作曲：羅大佑 編曲：花比傲 是一個不敢用情的人 有一段袂曉完成的夢 漂泊的虛華 掩蓋著孤單 也不知緣份像風飛沙 是一個不敢懷疑的人 無聊的當等行船的夢 波浪的增差 凌亂著心肝 才會連情歌嘛是咒詛 風透的日子 風透的日子 湧若無蓋大 行船的風聲嘛無靠岸 風透的日子 風透的日子 湧若有夠大 行船的心肝就袂快活 是一個不敢行船的人 無情的描寫純情的夢 波浪的清香 燈塔的希望 敢是一陣風一場噩夢 是一支不敢回頭的箭 像一個孤子有名無姓 空殼的春天 堅定的空虛 等袂到名份有誰通知 波浪的清香 凌亂又沉重 總是無離航就無央望
5.相鼠 作詞：王武雄 作曲：羅大佑 編曲：花比傲 你若學人講正義啊先生 我嘛想著足趣味 你若想欲插政治啊先生 我著會使看好戲 你若名聲欲漂白啊先生 店在籠內免出來迺 你若賺錢囤太多啊先生 奈不加減罔救濟 看彼隻老鼠嘛有皮 做人你哪會彼敖假 做人你若是彼敖假 無死你是欲創什麼 看彼隻老鼠嘛有齒 做人你哪會彼無恥 做人你若是彼無恥 無死你嘛是加了米 看彼隻老鼠嘛有體 做人你哪會彼無禮 做人你哪是彼無禮 歸去死死咧坎布袋 不免擱置遐啶青 不免擱置遐對靚 不免擱置遐操甲啼 不管誰號做救星 不管誰號做剋星 不免擱置遐相鬥纏 若欲擱置遐藏秋 若欲擱置遐頓張 人生擋置咧烏暗暝 面子掛置咧嘴邊 目屎滴落去鬢邊 大家敢著愛衰過年 你若學人講正義啊先生 敢是社會咧破病 你若想欲插政治啊先生 擱是一齣武俠片 你若名聲肯漂白啊先生 我將頭殼准椅子坐 你若食錢捻彼多啊先生 奈不心肝扳出來囓 你若食飯免阮飼啊先生 奈著行動彼鬼祟 你若食老好準備啊先生 我嘛不管你貴姓 看彼隻老鼠嘛有須 做人你哪會彼敖張 做人你哪是彼敖張 無死你敢是皮咧癢 看彼隻老鼠嘛有嘴 做人你哪會彼匪類 做人你哪是彼匪類 歸去死死卡袂鎮位 不免擱置遐度龜 不免擱置遐度龜 不免擱置遐操甲啼 不管誰置咧顧更 不管誰想欲變天 不免擱置遐相鬥纏 若欲擱置遮孝孤 若欲擱置遐抹黑 人生擋置咧烏暗暝 面子掛置咧嘴邊 目屎滴落去鬢邊 大家敢著愛燒庫錢 只有一鍋歹泔糜啊先生 攏無一腳好布袋哦 誰加大家攏出賣啊先生 敢是你這隻老鼠啊喂
《詩經》〈鄘風 相鼠〉 相鼠有皮，人而無儀。人而無儀，不死何為？ 相鼠有齒，人而無止。人而無止，不死何俟？ 相鼠有體，人而無禮。人而無禮，胡不遄死？
6.告別 作詞：王武雄 作曲：羅大佑 編曲：花比傲 一聲拜拜 是簡單三五字 一段暗示 像風吹葉離枝 一幕報白 換接引的城市 一場告別 是永遠的天意 一聲拜拜 在黃昏日落西 一段教示 換點香的時代 一場對話 若魂魄猶原在 一幕結局 是天地的交代 日出東方 一段恩怨塊輪迴 羅經牽出了造化輪替的黃花 拈香捧杯 敬奉在天地 鼓吹聲透 八音合奏 引風牽魂飛 凌亂寸步 隨冷風開魂路 慢慢引渡 是好日無疑誤 回魂過路 著放紙兼謝步 白日既盡 換淺淺的黃土 一聲拜拜 是簡單三五字 一段拜拜 像風吹葉離枝 一幕拜拜 換接引的城市 一場拜拜 是永遠的天意 日出東方 一段天命塊輪迴
7.寶島鹹酸甜 作詞：羅大佑／王武雄 作曲：羅大佑 編曲：蕭東山 船船聽講欲開 啊小姐你塊等什麼 趕緊做伙轉去準備 不通乎阮等歸暝 寶島美麗又活潑 咱可愛的鹹酸甜 苦戀是阮的愛情 越頭就是白雲的天 船船搭才咧開 歐吉桑你是急什麼 加人人攏盧來船頂佔位 菠蘿西瓜幾千年 港都咱疼惜的大某甲細姨的思想枝 趁食是咱的才情 越頭嘛是白雲的天 船船真正咧開 啊總統你是置佗位 無論輸贏攏愛開錢 一支紅君等看戲 古早咱過海來搏命的趁食才搭開始 好額是咱的行情 越頭又是白雲的天 苦戀是咱的愛情 越頭就是白雲的天
8.風吹風吹 作詞：王武雄 作曲：羅大佑 編曲：花比傲 有人是無行蹤 有人被風笑憨 熱戀的風吹飄來飛去 想袂到彼放蕩 伊親像一陣風 定定無守信用 六月的炎天引阮牽掛可愛的薄情郎 風吹風吹 風中一張批 寫在夢中的 相思有多少 緣份由天控制 簡單一句話 情斷無相借問 阮是誰人的 有時陣熱烘烘 有時陣足失望 熱戀在風中春來秋去 有情就愛保重 伊親像一陣風 輕輕將阮煽動 六月的夢中猶原相信有一日再相逢 風吹風吹 風中一枝花 誰人會知 青春剩多少 緣份是相欠債 簡單一句話 情斷嘛無計較 阮是別人的 （情斷嘛無計較 阮是誰人的）
9.風神的歌詩 作詞：王武雄 作曲：羅大佑 編曲：蕭東山／羅大佑／花比傲 呵嘿呵 飛向天 壯志凌霄好男兒 為國為民無家己 勇敢殺入萬重圍 呵嘿呵 驚什麼 碎骨分屍有名字 鎖定炮彈轟天雷 火光四散賀勝利 衝衝衝 快如電急如風 震撼乾坤的行動 衝衝衝 來無影去無蹤 鑽入敵人的心臟 呵嘿呵 緊準備 建功立業免排隊 告別愛人甲鄉里 魂魄總有一工會返去 （合唱傳世的歌詩）
10.搧東風 作詞：王武雄 作曲：照屋林賢 編曲：照屋林賢
齊東隆東 強東隆東 齊東隆東強東強 齊東隆東 強東隆東 齊東隆東強東強 齊東隆東 強東隆東 齊東隆東強東強 一陣風吹過來 鼓吹八音 齊東隆強 齊東隆東 強東隆東 齊東隆東強東強 照過來 照過來 日出東方 迎接咱成功 照過來 照過來 日出東方 緊行動 緊行動 呵嘿呵 經過了黑白的風甲雨 相照顧 換前途 今後的時代會足進步 大家的功勞 全世界攏期待 迎龍弄獅 趕緊來搧東風 斗陣去散步 趕緊來搧東風 斗陣來圍爐 趕緊來搧東風 斗陣去散步 趕緊來搧東風 斗陣來圍爐
11.台灣進行曲(卡拉版)
12.閏月閏愛情(卡拉版)
