唱,好廣州
原文書接上一囬,<唱好廣州>之後,繼續來唱好我哋嘅好廣州,<唱好廣州2>終于來啦!
首先,要多謝人民映畫,令我認識咗你--東山少爺,多謝你喺一年之前接受我嘅訪問.哈,我隨便問一下"係米會有個'西關小姐'出現",果然,係第二裏面真係出現咗一位"西關小姐".希望只係巧合...
好多人好中意用第二同第一去比較,俗語有話"前車之鑒".但我覺得,根本就係浪費時間--因爲,<唱好廣州>係一個又一個關于廣州嘅故事(唔同流行曲,講來講去就得個"愛到死去活來").每一首歌都講唔同嘅故事,感情都唔同,點解要比?
聼<唱好廣州2>,依然係帶住泪水來聼,每一個音符,每一句歌詞,都係咁熟悉,咁有感情...
10首歌,等我來慢慢聽,慢慢講...
<劍合釵圓帝女花>,依傢好少人,特別係年輕人,去聼粵曲了.我自己數下手指,都唔超過10次去聼.好多時都係因爲贈票而陪同爺爺嬤嬤去海珠大戲院聼啲大老官.但發現,聼倪惠瑛嘅比較多,女姐嘅反而一次都未聽過,有啲可惜,哈.話番呢首歌,好多人都會唱呢句:"落花滿天蔽月光"但究竟知唔知呢首歌係講咩故事?年紀大一啲嘅應該冇問題,但後生一啲嘅就一頭霧水了.呢首<劍合釵圓帝女花>,唔單只唱出<帝女花之香夭>同<劍合釵圓>呢兩個悲慘故事嘅中心,而且仲唱出經典嘅歌詞.中式R&B嘅節奏加上琅琅上口嘅歌詞,最適合啲後生哥唱了,希望能够起到推廣粵劇嘅作用.
<廣州隊>,身為廣州人,冇理由唔支持我哋嘅本土球隊.曾經係全國數一數二嘅強隊,太陽神,宏遠,松日,吉利到依傢嘅廣藥,從越秀山到東教場到天體再到今日嘅回歸越秀山,"廣州隊!加油!"嘅聲音依然飄蕩喺廣州嘅每一個角落!聼住呢首歌,我諗番起彭偉國,胡椒,到依傢嘅蒜蓉,盧琳,佢哋都係廣州嘅驕傲!當年廣州隊保級成功,我同朋友從東教場嘅觀衆席度沖向球場,呢一刻,我依然歷歷在目...每一次,當廣州隊離冠軍或者升級的時候,都遇到"不明事件",無緣無故就畀人玩死...唔怕!!!廣州隊有我哋全廣州人嘅支持!!!冠軍將在這裏!!!
<地鐵一號綫>,每個廣州人都同一號綫一齊成長,每個廣州人都(一定)搭過一號綫.點會冇感情?當年一號綫開通嘅時候,我好開心,原因係:終于唔使逼巴士過天河城啦!
<珠璣路晨光>,其實,呢首歌,可以隨便換下個名都OK,只要你中意,叫<江南西晨光>,<西華路晨光>,<體育東晨光>等等等...都得!因爲,佢嘅歌詞,令我諗起以前每日番學嘅景象:既親切又熟悉,令人懷念...好想好想,再番一次學...再行一次番學嘅路...
<肥仔個頭>,哈,唔一定要叫"肥仔"嘅!當年唱呢首童謠,我哋都係將"肥仔"去咗,用某人個名來代替!童謠永遠能勾起每個人嘅回憶...老啦!我真係老啦!呢首歌,簡直將我呢個老餅嘅心聲唱咗出來!
<珠江印象>,唔使講嘢!!!呢首歌絕對係廣州人嘅主題曲!!
"沿這路向，从雪域向深海飛翔，
如此氣量，未怕不欣賞。
仍笑着唱，就算遇上再多擾攘，
来互勉，齐面對，教世界羡仰。"
來我哋一起唱!唱,好廣州;聼,好廣州!
最後,仲係個句話:係廣州人,一定要支持廣州音樂!
(追加:肥蛇話,呢個係<唱好廣州>系列嘅最後之作,唔會再有第三...希望大家珍惜)
首先,要多謝人民映畫,令我認識咗你--東山少爺,多謝你喺一年之前接受我嘅訪問.哈,我隨便問一下"係米會有個'西關小姐'出現",果然,係第二裏面真係出現咗一位"西關小姐".希望只係巧合...
好多人好中意用第二同第一去比較,俗語有話"前車之鑒".但我覺得,根本就係浪費時間--因爲,<唱好廣州>係一個又一個關于廣州嘅故事(唔同流行曲,講來講去就得個"愛到死去活來").每一首歌都講唔同嘅故事,感情都唔同,點解要比?
聼<唱好廣州2>,依然係帶住泪水來聼,每一個音符,每一句歌詞,都係咁熟悉,咁有感情...
10首歌,等我來慢慢聽,慢慢講...
<劍合釵圓帝女花>,依傢好少人,特別係年輕人,去聼粵曲了.我自己數下手指,都唔超過10次去聼.好多時都係因爲贈票而陪同爺爺嬤嬤去海珠大戲院聼啲大老官.但發現,聼倪惠瑛嘅比較多,女姐嘅反而一次都未聽過,有啲可惜,哈.話番呢首歌,好多人都會唱呢句:"落花滿天蔽月光"但究竟知唔知呢首歌係講咩故事?年紀大一啲嘅應該冇問題,但後生一啲嘅就一頭霧水了.呢首<劍合釵圓帝女花>,唔單只唱出<帝女花之香夭>同<劍合釵圓>呢兩個悲慘故事嘅中心,而且仲唱出經典嘅歌詞.中式R&B嘅節奏加上琅琅上口嘅歌詞,最適合啲後生哥唱了,希望能够起到推廣粵劇嘅作用.
<廣州隊>,身為廣州人,冇理由唔支持我哋嘅本土球隊.曾經係全國數一數二嘅強隊,太陽神,宏遠,松日,吉利到依傢嘅廣藥,從越秀山到東教場到天體再到今日嘅回歸越秀山,"廣州隊!加油!"嘅聲音依然飄蕩喺廣州嘅每一個角落!聼住呢首歌,我諗番起彭偉國,胡椒,到依傢嘅蒜蓉,盧琳,佢哋都係廣州嘅驕傲!當年廣州隊保級成功,我同朋友從東教場嘅觀衆席度沖向球場,呢一刻,我依然歷歷在目...每一次,當廣州隊離冠軍或者升級的時候,都遇到"不明事件",無緣無故就畀人玩死...唔怕!!!廣州隊有我哋全廣州人嘅支持!!!冠軍將在這裏!!!
<地鐵一號綫>,每個廣州人都同一號綫一齊成長,每個廣州人都(一定)搭過一號綫.點會冇感情?當年一號綫開通嘅時候,我好開心,原因係:終于唔使逼巴士過天河城啦!
<珠璣路晨光>,其實,呢首歌,可以隨便換下個名都OK,只要你中意,叫<江南西晨光>,<西華路晨光>,<體育東晨光>等等等...都得!因爲,佢嘅歌詞,令我諗起以前每日番學嘅景象:既親切又熟悉,令人懷念...好想好想,再番一次學...再行一次番學嘅路...
<肥仔個頭>,哈,唔一定要叫"肥仔"嘅!當年唱呢首童謠,我哋都係將"肥仔"去咗,用某人個名來代替!童謠永遠能勾起每個人嘅回憶...老啦!我真係老啦!呢首歌,簡直將我呢個老餅嘅心聲唱咗出來!
<珠江印象>,唔使講嘢!!!呢首歌絕對係廣州人嘅主題曲!!
"沿這路向，从雪域向深海飛翔，
如此氣量，未怕不欣賞。
仍笑着唱，就算遇上再多擾攘，
来互勉，齐面對，教世界羡仰。"
來我哋一起唱!唱,好廣州;聼,好廣州!
最後,仲係個句話:係廣州人,一定要支持廣州音樂!
(追加:肥蛇話,呢個係<唱好廣州>系列嘅最後之作,唔會再有第三...希望大家珍惜)
