在听 · · · ( 8张 )
想听 · · · ( 157张 )
听过 · · · ( 717张 )
他喜欢的豆瓣音乐人 · · · ( 7位 )
-
NORVNo One Remains Virgin Life Fucks Everyone
-
The Marshmallow Kisses香港独立乐队 The Marshmallow Kisses 2011年最新大碟 《Ciao!Baby 瞧!宝贝》。大碟主打曲"Ciao! Baby"火速登上香港商业二台903豁達推介流行榜第三位。与 My Lit
-
Audrey Lily微博
-
UNiXX香港独立暗黑迷幻噪音摇滚
AMK boxset press release (轉自維港唱片)
我之所以玩音樂，都因為form 2果年聽咗AMK，但當年我其實唔係好識聽，以為係d關心社會嘅搞笑歌，後嚟聽埋MBV, Ride, The Smiths先知佢哋應該唔係想搞笑。再到近年覺得佢哋係香港indie史上最革命性嘅結他樂隊。 但AMK原來有好多搞笑野，早期有位女成員Joanna，有次出show，台下d metal友叫佢除帽、又叫除衫，然後台上...(6回应)
我之所以玩音樂，都因為form 2果年聽咗AMK，但當年我其實唔係好識聽，以為係d關心社會嘅搞笑歌，後嚟聽埋MBV, Ride, The Smiths先知佢哋應該唔係想搞笑。再到近年覺得佢哋係香港indie史上最革命性嘅結他樂隊。 但AMK原來有好多搞笑野，早期有位女成員Joanna，有次出show，台下d metal友叫佢除帽、又叫除衫，然後台上嘅阿松喺歌同歌之間就係咁同佢地嘈，唱＜人間地獄＞次前就同佢地講，「你地知唔知呢個世界點解會變人間地獄？睇下你地個衰樣啦！」班metal友又喝返阿松：「紅衫仔，你幾大？你咪走呀！」據聞之後阿松係咁被人叫做「紅衫仔」。總之，每次出show都有人一班人憎咗AMK，又有一班人更迷AMK。 Kurt Cobain自殺嗰年，商台搞咗個致敬音樂會，現場訪問阿松阿琛 (Anson不在場)對Kurt Cobain嘅感受，阿松答:「我覺得Kurt Cobain今次自殺好懦弱同戇居囉。」然後全場O咀。 又有一次，有Anodize嘅成員嚟睇AMK嘅show，阿松就喺台上表演篤手指彈吉他，話呢d就係搖滾，然後Anodize即拉隊閃。哈，呢d全部都係聽返嚟，我無親身經過，我都好想身在其中，依家已經唔會有呢種樂隊，後生d嘅人反而仲淆底過d大人，而且d音樂愈搖滾，個人就愈淆底，包括我自己。 仲有一d 鮮為人知嘅野，嗰首少男情懷總是詩嘅「巴士奇遇結良緣」曲詞原來係出自阿琛手筆。Anson除左熱衷錄像同社運，仲識得自製唔同種類嘅mic送俾朋友，最近仲出咗張聲境唱片。 Leonard Cohen話：「詩係生命既證據，如果生命燃亮得燦爛，詩，都不過係灰燼。」所以，呢盒包含AMK三大專輯、兩大EP、連埋未出版嘅歌、現場live片段、MV同32頁內頁嘅限量AMK “History” Boxset”，都只不過係層灰，阿松仲話買boxset嘅人係有責任upload d歌上網。AMK果然係AMK。 阿p
> 6回应